“…เมื่อความชั่ว-ความโง่นั้นหมดแล้ว มีหยัง ?
มันก็บ่มีความชั่ว บ่มีความโง่แล้วซิ
เป็นหยัง ? มันก็เป็นคนธรรมดานี้เอง
ถ้า(ผิด)จากธรรมดาแล้ว ไม่เป็นพระพุทธเจ้านั้นแล้ว
ผิดไปจังได๋ ? (มัน)บ่ฮู้จัก…มันจะไปชั่วหรือไปดี-ก็บ่ฮู้จัก
ผีก็อยู่ที่นี้-เทวดาก็อยู่ที่นี้ พระอริยบุคคลก็อยู่ที่นี้
ให้ว่าอยู่นำเฮาหมด
คนดี ยกมือไว้ตัวเองได้
จึงว่า ‘คำว่าคนนั้น-จึงมีความหมายอยู่ลึก’
ญาพ่อถามมาหลายคนแล้ว
คนนี้ ผู้ใด๋ให้ชื่อเสียงเรียงนามมา-ถาม ? บ่ฮู้จั๊กคน
จะรู้จักหยังล่ะ เจ้าของบ่ฮู้จักคนอยู่แล้ว
*คนนี้ หมายถึงทุกสิ่ง-ทุกอย่าง อยู่ในเฮานี้เด้*
เหมือนว่าจังได๋ล่ะ(ที่)เอาไปใส่ของสกปรก-ตะ…อะไรฮึ ?
เอาของไปทิ้งใส่อันนั้น-เศษอาหารนั้น ว่าจังได๋ ?
เอ้อ-ถังขยะนั้นแหละ คล้าย ๆ คือถังขยะ-คนนี่
เอาของไปเท(ใส่)นั่น เอาขี้-เยี่ยวไปเทใส่นั้น
ของดี-บางทีแหวนอยู่ในมือเรา จะหลุด(ลง)ในนั่นก็มีเด้
มันเป็นกระเช้า-มันเป็นตะกร้า-มันเป็นถังขยะ
*คนจึงว่า หาของดีที่ตัวเรา
เมื่อเฮาเห็นของ(ดี)ที่ตัวเฮาแล้ว ยกมือไหว้ตัวเองได้
เพิ่นว่า’เคารพตัวเอง-ไหว้ตัวเอง-บูชาตัวเองให้มันได้’
ถ้าหากเฮายกมือไหว้ตัวเองไม่ได้ เคารพตัวเองไม่ได้
ก็ไหว้ตัวเองบ่ได้แล้ว ก็ไปไหว้ผีพู้นแล้ว*
เพราะว่าไหว้ผีเด้-ผีอยู่นำเฮานี่เด้ บ่เห็นจักเทือ
แล้วบัดนี้เห็นแต่ผีแล้ว มาเฮ็ดอยู่นี่
ดังนั้นผีจึงอยู่กับผีได้ คนกับผีอยู่นำกันบ่ได้
เพิ่นว่า‘คนมันอยู่กับคน-ผีมันก็อยู่กับผี-เทวดาอยู่กับเทวดา’ ว่าซั่น
เพิ่นว่า’รูปกายนี้มันเป็นโครงอันหนึ่ง
แต่ว่าเอาเทวดามาไว้(ใน)รูปกายอันนี้’ เพิ่นว่า
‘เอาพระอริยบุคคลมาไว้กับรูปกายอันนี้’ เพิ่นว่าจังซั่น
*อย่าเชื่อหลาย-ตำรานะ แต่อย่าไปทำลายเพิ่น-ตำราเอาไว้นั่นแหละ*
ญาพ่อพิจารณาหลายอย่าง
แม้ที่สุด ญาพ่อเว้าให้ฟังมื้อนี้
ผู้ที่เป็นฆราวาส-ญาติโยมไปเจริญวิปัสสนานี่
รู้แจ้ง-เห็นจริงตามความเป็นจริงแล้ว
‘ถ้าบ่บวชเป็นเพศพรหมจรรย์แล้ว-ตายโลด บ่เกิน ๗ วัน’ ว่าซั่น
เพิ่นว่า’นั้นนะจำเป็นต้องบวช’
ดังนั้นญาติโยมผู้หญิงก็บ่อยากให้ผู้ชายไปปฏิบัติธรรม
บ่อยากให้ผัวไปบวช-เพิ่นว่าจังซั่น
บัดนี้โยมผู้ชายก็ย่าน บ่อยากให้ผู้หญิงไปบวชเป็นภิกษุณี
ย่านไปเป็น-เขาเข้าใจไปจังซั่น อันนี้ญาพ่อเข้าใจจังซั่น
คนอื่นเข้าใจไปจังใด-บ่ฮู้จักความจริงแล้ว-ตายภายใน ๗ วันหมด
อาทิตย์-จันทร์-อังคาร-พุธ-พฤหัส-ศุกร์-เสาร์…ตาย(ใน)นี้หมด
ผู้ฮู้ธรรมก็ตาย(ใน ๗ วัน)นี้ บ่ฮู้ธรรมก็ตาย(ใน ๗ วัน)นี้
คนจนก็ตายอยู่ระหว่างนี้-คนรวยก็ตายอยู่ระหว่างนี้ แน่ะ!
เมื่อพิจารณาแล้ว โอ-คนมันบ่เข้าใจ
มันเข้าใจน้อยเกินไป มันบ่เข้าใจให้ลึกซึ้ง-ซาบซึ้งตรึงใจจริง ๆ
มันเป็นจังซั่น
เอาแหละท้ายที่สุดนี้ อาตมาพร้อมด้วยพระสงฆ์
และญาติโยมมานั่งฟังธรรมะ ณ สถานที่นี้
อาตมาขออ้างอิงเอาคุณของพระพุทธเจ้า
และพระธรรมคำสั่งสอนของสมเด็จพระสัมมาสัมพุทธเจ้า
และคุณของพระอรหันตสาวกพระสัมมาพุทธเจ้า
มาเตือนจิตสะกิดใจของเรา *ให้พวกเราประพฤติ-ปฏิบัติ
ให้รู้เเจ้ง-เห็นจริงตามความเป็นจริง*
อย่างพระพุทธเจ้าเพิ่นตรัสเอาไว้ว่า
‘สัตว์ทั้งหลาย เราผู้เป็นตถาคตไปถึงแล้วแห่งนั้น
แล้วจึงนำมาสอนพวกเธอทั้งหลาย
ให้พวกเธอทั้งหลายจงประพฤติปฏิบัติ
ตามแบบของพระพุทธเจ้านั้น
*ให้เฮารู้แจ้ง-เห็นจริงตามความเป็นจริงที่มีอยู่ในตัวเฮานี้
ขอให้ทุกคนจงประสบพบเห็นเอาในชีวิตนี้-มื้อนี้(วันนี้)
(ใน)เวลาอันใกล้นี้ จงทุก ๆ คนเทอญ*”
หลวงพ่อเทียน จิตฺตสุโภ
————————————————————————————————
※※※※※※※※※※※※※※※※※※※※
※ อย่าหลงตน-อย่าลืมตัว ※
※ ※
※ อย่าหลงกาย-อย่าลืมใจ ※
※ ※
※ อย่าหลงชีวิต ※
※※※※※※※※※※※※※※※※※※※※
รู้สึกตัว…รู้สึกกาย รู้สึกใจ
_/|\_ _/|\_ _/|\_
ใส่ความเห็น