“…สิ่งที่หลวงพ่อเว้านี่ หลวงพ่อรู้จักคำว่า‘ศีล
ศีลขันธ์-สมาธิขันธ์-ปัญญาขันธ์’
‘ขันธ์’ แปลว่าถี่
‘ขันธ์’ แปลว่ารองรับ
‘ขันธ์คือขันธ์ ๕’ แปลว่ารองรับ-รับได้
บัดนี้ **ศีลอันนี้มันรองรับ**
สมมติว่าน้ำมัน-น้ำมันเบนซินหรือน้ำมันก๊าด
แล้วให้เณรไปเอาขันดิน
เอาดินมาทำขัน (หรือ)หม้อนึ่งหม้อแกง
(เอา)น้ำมันก๊าด-น้ำมันเบนซินมากรอก เก็บได้บ่ ?
เก็บบ่ได้
น้ำมันก๊าด-น้ำมันเบนซิน มันแหลม-มันซึมเป็น
แต่ว่าน้ำท่า(น้ำธรรมดา) มันเก็บได้
แต่อันนั้น(น้ำมัน) เก็บบ่ได้
เอาไว้บ่เกินชั่วโมง-๒ ชั่วโมง น้ำมันก๊าดหมด
เพราะว่ามันบ่แม่นศีลอันนั้น
‘ศีลขันธ์’ แปลว่าถี่-รองรับได้
เณรลองเอากระป๋องเป็นพลาสติก มันกัด(ด้วย)ซ้ำ
น้ำมันก๊าดมันกัดพลาสติกเป็นฟองน้ำ
บัดนี้*เอาทอง หรือเอาเหล็ก หรือเอาสังกะสี
อย่างที่คะเจ้าเฮ็ดอยู่
มารองใส่น้ำมัน มันบ่รั่ว-รองรับได้*
มันละเอียดต่อละเอียด จึงรองรับได้ดี
ดังนั้น **อันนี้รองรับ-มันเก็บไว้ได้ดี
มันจึงเห็นทุกขณะเวลา ทุกลมหายใจ**
ต้องปฏิบัติเพื่อความเข้าใจจั่งซี้
ศีลอันนี้กำจัดกิเลสอย่างหยาบได้จริง ๆ
อย่างหยาบคือหยัง ?
คนมันติดดี
*ติดดี เอิ้น‘กิเลสอย่างหยาบ’
มืดสีดำนั้น(มัน)เห็นง่าย มืดสีขาว-มองบ่เห็น
มืดสีดำนี่ เราย่างไปเห็นมืด ๆ-เราระวังโลด
ครันเราย่างไปแจ้ง ๆ เห็นน้ำขาว ๆ
เรานึกว่าดินแห้ง ไปเหยียบตูม-เปียกโลด
อันนี้ว่า‘มืดสีขาว-มองบ่ค่อยเห็นง่าย มืดสีดำ-เห็นง่าย’
คนเรา-บัดนี้ถ้าโกรธขึ้นมาปึงปัง มันเห็นด้วยการแสดงความชั่ว
บัดนี้คนติดดี…แสดงความดีละมุน-ละไม ประจบ-ประแจง
อันนั้นมืดสีขาว คนอยากได้ดี-มันติดดี*
อย่างพระพุทธเจ้าสอนว่า
**‘อย่าไปติดมัน ดีก็บ่เอา-ชั่วก็บ่เอา**
กุสะลาธัมมา-อะกุสะลาธัมมา’
อัพยากะตาธัมมา อย่างกลาง
ต้องเข้าใจจังซั่น
**อย่าไปติดดี อย่าไปติดชั่ว**
หลวงพ่อรู้จัก**ศีล ชื่อว่า‘กำจัดกิเลสอย่างหยาบ’**
จำพวกมีเงินหลาย ๆ ทำบุญหลาย ๆ
ตายแล้วจะได้ไปเกิดเป็นเทวดา
แปลว่าติดเทวดา
เทวดา(ก็)บ่รู้จัก บ่รู้จักว่าอย่างไหนเป็นเทวดา
แปลว่ากิเลสอย่างหยาบ
**เมื่อมีศีลซิรู้จัก**…”
หลวงพ่อเทียน จิตฺตสุโภ
————————————————————————————————
※※※※※※※※※※※※※※※※※※※※
※ อย่าหลงตน-อย่าลืมตัว ※
※ ※
※ อย่าหลงกาย-อย่าลืมใจ ※
※ ※
※ อย่าหลงชีวิต ※
※※※※※※※※※※※※※※※※※※※※
รู้สึกตัว…รู้สึกกาย รู้สึกใจ
_/|\_ _/|\_ _/|\_
ใส่ความเห็น